جمال طبيعى بدون مكياج
طبعا كلنا عارفين فوائد الخضروات والفواكه الطبيعية والنهاردة عاوزة أعرفكم بعض الوصفات الطبيعية للبشرة من الخضروات والفاكهة :
)
)
طبعا كلنا عارفين فوائد الخضروات والفواكه الطبيعية والنهاردة عاوزة أعرفكم بعض الوصفات الطبيعية للبشرة من الخضروات والفاكهة :
- الخيار : قابض للمسامات الواسعة ، مبيض للبشرة ، مفتح للهالات السودا ، ويقضى على البقع والشوائب .... بعد كل الفوائد دى لازم كلنا نعمل ماسك من شرائح الخيار على الوجه بالكامل .
- الجزر : كل خبراء التجميل بينصحوا بتناول عصير الجزر الفريش باستمرار لانه مفيد جدا للبشرة والشعر والعينين .
- البطاطس : لها تأثير هايل فى علاج التورم ومفيد جدا للبشرة الحساسة فالنصيحة هى شرائح من البطاطس على الوجه وتحت العينين .
- الفراولة : كام واحدة تعرف تأثير الفراولة على الاسنان ( مبيض هايل ) يبقى لازم نشرب عصير فراولة باستمرار كمان الى منعرفهوش انها علاج هايل لحروق الشمس فى المصايف ( يعنى بعد حمام الشمس المتين فى المصيف جرى على عصير الفراولة على الوجه (( والاكتاف ده طبعا للى لسة ما اتحجبوش ربنا يهديهم )) .
- البرتقال : أبسط طريقة هى إنك بعد ما تقشرى البرتقانة تاخدى القشرة وتدعكى بيها ايديك لانه بيتعمل منه ماسكات وكريمات لليدين .
- الليمون : طبعا البشرة الدهنية مشاكلها كتيييير وأحسن وأشمل حل لعلاج كل المشاكل دى هو الليمون ندهن الوجه كله بعصير الليمون وبعد ما ينشف تماما نشطف البشرة وعلى فكرة هو كمان حلو جدا للنمش وبقع الوجه .
- البقدونس : يخلصك تماما من رائحة الاكلات (التوم ) فى الفم يعنى عودين بقدونس تمضغيهم بعد أى أكلة يبقى حلو أوى ؛ ده كمان منقوع البقدونس حلو جدا للبشرة الحساسة وحلو أكتر للشعر .
- الطماطم : تخيلوا إن الطماطم مفيدة للبشرة الدهنية وفى نفس الوقت للبشرة شديدة الجفاف عصير طماطم على البشرة هيحل كل مشاكلها .
يعنى من الاخر تخيلى وشك طبق مليان فاكهه على خضروات مشكلة
0 التعليقات:
إرسال تعليق